Тус шүүхээр үйлчлүүлсэн иргэн С.Рэндоо талархсан сэтгэгдлээ илэрхийлж бидэнд хандсан юм.
Тэрээр “С.Рэндоо миний бие шүүхэд цалин болон хөдөлмөрийн чадвараа алдсаны тэтгэмж, нөхөн төлбөр гаргуулах тухай нэхэмжлэлийг ЗХЖШ-т холбогдуулан гаргасан билээ.
Уг хэргийг танай шүүхийн шүүгч Н.Сарангүн тэргүүтэй шүүгч нар болон түүний туслах Ө.Солонго нар шүүхийн үйлчилгээг шуурхай үзүүлж, шүүхийн шийдвэрийг үнэн шударгаар гаргаж өгсөнд туйлын ихээр талархаж байна.
Миний бие олон жилийн бие болоод сэтгэл санааны зовлон зүдгүүр амсаж ирсэн ба үүнийг шүүх үнэн зөвөөр дэнсэлж, шударга үнэний баталгаа боллоо.
Иймд танай хамт олонд ажлын амжилт болон шүүгч болон тэдний ар гэрийнхэнд нь аз жаргал сайн сайхан бүхнийг хүсэн ерөөе.
ШУДАРГА ҮНЭНИЙ ТӨЛӨӨХ АРИУН ҮЙЛС МАНДАН БАДАРТУГАЙ” гэж шүүхэд талархсан сэтгэгдлээ илэрхийлэн бичгээр үлдээсэн юм.
Тэрээр мөн ганц би баярлаад байгаа биш миний ар гэр болоод ахан дүүс хүртэл шударга үнэн ялахыг хүлээн харж суусан, тэр бүх хүмүүс баярлан талархаж байгаа юм шүү, үүнийг заавал дамжуулж өгөөрэй гэв. Түүнчлэн иргэд бид шүүхийн үйл ажиллагааг гаднаас нь харж ихээхэн шүүмжилдэг, гэтэл яг шүүхэд дотор нь ороод үйлчлүүлэхэд иргэнээ гэсэн халуун дулаан сэтгэл, уйгагүй их хөдөлмөр зүтгэл харагддаг юм байна лээ. Хууль дээдсийг эрхэмлэн хязгаарлаж, доордсыг энэрэн хамгаалдаг гэдэг үнэхээр үнэн юм байна гэж хэлсэн юм.
