Шүүгчийн захирамжийн огноо, дугаар: 2022.05.13 101/ШЗ2022/12045
Тоймын огноо, дугаар: 2023.01.26, №04
Нэхэмжлэгч Л ХХК нь 128 м.кв талбайтай үйлчилгээний зориулалтай үл хөдлөх эд хөрөнгийн өмчлөгч болохыг тогтоолгох нэхэмжлэлийг иргэн С, Д нарт холбогдуулан гаргаж, нэхэмжлэлийн үндэслэлээ хариуцагч нар манай эзэмшлийн худалдааны талбайнаас илүү ашиглаж байна гэж тайлбарласан.
Хариуцагч нь өөрийн өмчлөлийн 80 м,кв талбайг эзэмшдэг, нэхэмжлэгчийн талбайд ороогүй гэж маргасан.
Нэхэмжлэгч нь хариуцагч манай компанийн өмчлөлийн талбайгаас 10 м.кв талбайг илүү өмчлөөд байгаа тул талбайн хэмжээг шинжээч томилж тогтоолгох хүсэлт гаргасан.
Талууд үл хөдлөх эд хөрөнгийн талбайн хэмжээнд маргаж байх ба маргаан бүхий талбайн хэмжилтийг хэргийн оролцогч өөрөө хийх боломжгүй буюу хэрэг хянан шийдвэрлэхэд тусгай мэдлэг шаардагдах асуудал байх тул хэргийн оролцогчийн хүсэлтээр шүүгч захирамж гарган шинжээч томилох нь зүйтэй гэж үзсэн.
Ийнхүү шинжээч томилсон нь хэргийг тал бүрээс нь бодитойгоор хянан шийдвэрлэхэд ач холбогдолтой.
Санамж:
Энэхүү хураангуй нь шүүгчийн бүрэн гүйцэт захирамж биш бөгөөд түүнийг орлохгүй, зөвхөн шүүгчийн захирамжийг олон нийтэд ойлгомжтой байдлаар мэдээлэн хүргэх зорилготой болно.
|
Хураангуйг бэлтгэсэн: Баянзүрх дүүргийн Иргэний хэргийн анхан шатны шүүхийн шүүгч Т.Болормаа