Тус шүүхийн Тамгын газрын 2023 оны сургалтын төлөвлөгөөний хүрээнд 2023.03.29-ний өдөр шүүгчийн туслах М.Бишдарь, шүүгчийн туслахын албан үүргийг түр орлон гүйцэтгэгч Р.Энхзаяа нар “Шүүхэд албан хэрэг хөтлөх журам” сэдвээр шүүхийн захиргааны ажилтнуудад сургалт зохион байгууллаа.

2022 онд Шүүхийн ерөнхий зөвлөлөөс шинэчлэн баталсан холбогдох журам, аргачлалаар сургалтыг 14 хоног тутам зохион байгуулснаар шүүхийн захиргааны албан хаагч нарын дүрэм журам, иргэний хэргийн хөдөлгөөний нийтлэг аргачлалын хэрэгжилт сайжирч, ялангуяа шинээр томилогдсон албан хаагч нарыг алдаа зөрчил гаргахаас урьдчилан сэргийлэх ач холбогдолтой юм.